आजकाल सुशिक्षित लोकांनी कोणती ना कोणती आयुर्विमा
पॉलिसी घेतली असल्याचे दिसून येते असे असले तरी यातील बहुतेकांनी घेतलेली आयुर्विमा
पॉलिसी योग्य असेलच असे नाही किंबहुना असे आढळून येते की बहुतांश लोकांनी चुकीची
आयुर्विमा पॉलिसी घेतली असल्याचे दिसून येते. याचे मुख्य कारण म्हणजे आयुर्विमा
पॉलीसीबाबतचे आपले अज्ञान व विमा एजंट नेमका याचाच गैरफायदा घेऊन मनीबॅक,
एन्डोमेंट, व्होल लाइफ व युलिप यासारख्या पॉलिसी आपल्या गळ्यात मारीत असतो.
आयुर्विमा पॉलिसी घेताना नेमक्‍या काय चुका होतात हे आता आपण पाहू.
1)
आयुर्विमा पॉलिसी घेण्यामागचा मूळ उद्देश, अकाली निधन झाल्यास आपल्यावर अवलंबून
असणाऱ्या कुटुंबीयांसाठी पुरेशी आर्थिक तरतूद करणे हा अपेक्षित असतो. त्यादृष्टीने
आपल्याला नेमक्‍या किती रकमेचे विमा संरक्षण(कव्हर) आवश्यक आहे याचा विचार करून
पुरेसे कव्हर घेणे गरजेचे असते. (आपल्या वार्षिक उत्पन्नाच्या सुमारे 12 ते 15 पट
कव्हर असणे आवश्यक असते.) मात्र आपल्याला किती प्रीमियम देणे शक्‍य आहे हे पाहून
आयुर्विमा पॉलिसी घेतली जाते. यामुळे अपुरे कव्हर घेतले जाते.
2) आयुर्विमा
पॉलिसी घेतल्याने प्राप्तिकर वाचतो या बाबीस महत्त्व दिले जाऊन विमा कव्हर ही बाब
महत्त्वाची मानली जात नाही. (कारण प्रीमियमची रक्कम प्राप्तिकर कलाम 80 सी नुसार
करपात्र उत्पन्नातून वजावटीस पात्र असते.)
3) यानिमित्ताने काही बचत होत
असल्याने तसेच मुदती नंतर आयुर्विमा पॉलिसी कव्हरच्या सुमारे दुप्पट ते तिप्पट इतकी
मिळणार असते त्यामुळे बचतीचा हा एक पर्याय मानला जातो, मात्र यातून मिळणारा रिटर्न
केवळ 5 ते 6 टक्के इतकाच असतो ही बाब ध्यानात येत नाही व यापेक्षा बचतीसाठी अन्य
चांगल्या पर्यायाकडे दुर्लक्ष केले जाते. परिणामत: भविष्यासाठी पुरेशी आर्थिक तरतूद
होऊ शकत नाही.
वरील चुकांमुळे पॉलिसीच्या कालावधीत पॉलीसीधारकाचा मृत्यू
झाल्यास त्याच्या वारसास पॉलिसी कव्हर व साठलेल्या बोनसइतकी तुटपुंजी रक्कम मिळते व
अशा अपुऱ्या रकमेमुळे वारसांठीची आर्थिक तरतूद अल्प कालावधीसाठीच होते.
आयुर्विमा पॉलिसी कशी घ्यावी हे आता आपण पाहू.
कमीत कमी प्रीमियम देऊन
जास्तीत जास्त कव्हर देणारी टर्म पॉलिसी घेणे जास्त योग्य ठरते यासाठी "टर्म
पॉलिसी' म्हणजे काय, तिची वैशिष्ट्ये व ती कशी घेता येते हे जाणून घेऊ.
1)
टर्म पॉलिसी सर्वसाधारणपणे किमान 10 व कमाल 40 वर्षाच्या कालावधीसाठी घेता येते.
मात्र पॉलिसीचा कालावधी व वयाची 75 वर्षे यातील जे आधी असेल तेवढ्या कालावधीसाठी
घेता येते. उदा: वयाच्या पंचविसाव्या वर्षी घेतल्यास वयाच्या पासष्ट वर्षापर्यंतच
मिळू शकते. मात्र वयाच्या चाळीसाव्या वर्षी घेतल्यास वयाच्या पंचाहत्तरीपर्यंच (35
वर्षासाठीच) घेता येते. एखाद्या निरोगी व्यक्तीने वयाच्या 25 व्या वर्षी रु. 1
कोटीचे कव्हर घेतल्यास सुमारे रु. 8 ते 9 हजार इतका वार्षिक प्रीमियम पडू शकतो.
(विमा कंपनीनुसार प्रीमियम कमी अधिक असू शकतो.) वाढत्या वयानुसार नव्याने घेण्यात
येणाऱ्या पॉलिसीचा प्रीमियम वाढत जातो. मात्र एकदा ठरलेला प्रीमियम संपूर्ण पॉलिसी
कालावधीसाठी बदलत नाही.
2) या पॉलिसीमध्ये फक्त "डेथ क्‍लेम' दिला जातो.
म्हणजे पॉलीसीधारकाचा पॉलिसी कालावधीत मृत्यू झाल्यास वारसास पॉलिसी कव्हरची रक्कम
विमा कंपनीकडून दिली जाते. मात्र जर पॉलीसीधारक मुदती नंतर या पॉलिसीमध्ये येत असेल
त्याला काहीही मिळत नाही.
3) टर्म पॉलिसीस सरेंडर व्हॅल्यू नसल्याने तारण
ठेवून कर्ज मिळत नाही मात्र असाइन करता येते.
4) या पॉलिसीसोबत अपघाती
मृत्यू, अपंगत्व यासारखे रायडर वाढीव प्रीमियम देऊन घेता येतात. एन्डोमेंट पॉलिसी व
टर्म पॉलिसी यातील टर्म पॉलिसी घेणे कसे फायद्याचे आह.